Yn febrewaris 2025 ferskynde by Utjouwerij DeRyp Stikken, in bondel essees oer poëzy fan Eeltsje Hettinga. Hettinga is sels ek dichter, hy krige de GysbertJapicxpriis 2021 foar de gedichten dy’t er skreau as ‘Dichter fan Fryslân’. Yn Stikken skriuwt Hettinga oer it wurk fan in tal dichters dy’t foar syn eigen poëzy fan belang en betsjutting west hawwe. Dêrby komt it wurk fan Ingeborg Bachmann, Tsjêbbe Hettinga, Hessel Miedema, Obe Postma en Jan Jacob Slauerhoff op it aljemint. Fierders is Hettinga ûnder mear op ‘e tekst oer de bysûndere skiednis fan it Surinamenûmer fan it eardere Fryske literêre tydskrift De Tsjerne, de oersettingen en bewurkingen fan Sineeske poëzy yn de Fryske literatuer en de stilte tusken de wurden as it wyt fan poëzy.
Bolswards Nieuwsblad
Yn it Bolswards Nieuwsblad fan 27 febrewaris 2025 stiet in lyts stikje oer Stikken, de bondel mei skôgingen fan Eeltsje Hettinga oer poëzij:
Friesch Dagblad
Yn it Friesch Dagblad fan 14 maart 2025 stie in goed trochttochte en betûfte resinsje fan Abe de Vries oer Stikken fan Eeltsje Hettinga. Dizze bondel mei essees oer poëzy lit û. o. “in divers poëtysk lânskip sjen”, seit De Vries. En ek:”Hettinga syn wurdearjen fan literatuer as it dramatisearjen fan in konkrete wrâld yn taal, dat is: de taastbere, fielbere, sichtbere, te beskriuwen, te beskriemen, te ûnderfreegjen, te bespotten, te feroarjen wrâld.”
Abonnees fan it Friesch Dagblad kinne de hiele resinsje ek hjir lêze.