Abe de Vries - Bloedprikke

Abe de Vries (1965, Winaam) jildt as ien fan de belangrykste Fryske dichters fan de 21e ieu. Foar syn twadde bondel In waarm wek altyd (2004) krige er yn 2005 al de prestisjeuze Gysbert Japicxpriis. Bloedprikke is syn 11e dichtbondel en yn dy bondel binne bloedprikke en poëzij skriuwe synonimen: beide kearen giet it om in pynlik útsykjen fan jins ferhâlding ta de wrâld. ‘Wat in taalmacht, wat in rykdom, wat in gefoel!’, skreau emearitus-heechlearaar Fryske taal en letterkunde Goffe Jensma oer Bloedprikke.